🖊: مولانا انعام الرحمن اعظمی احیائی، استاذ مدرسہ دار العلوم تحفیظ القرآن سکٹھی مبارک ہور
جمعیت علماء مبارک پور کی مجلسِ منتظمہ ایک اہم اجلاس ٢٧/ذی الحجہ ١٤٤٠ھ مطابق ٢٩/اگست ٢٠١٩ء بروز جمعرات بعد نماز مغرب متصلا بمقام دارالاہتمام جامعہ عربیہ احیاء العلوم مبارک پور قدیم عمارت میں حضرت مولانا مفتی محمد یاسر صاحب قاسمی ناظم اعلیٰ جامعہ عربیہ احیاء العلوم مبارک پور و صدر جمعیت علماء اعظم گڑھ کی صدارت میں منعقد ہوا،
اجلاس کا باقاعدہ آغاز قاری محمد قاسم صاحب اسلام پورہ کی قرات سے ہوا، اس کے بعد درجہ ذیل ایجنڈے کے تحت آگے کی کاروائی شروع ہوئی:
(1) سابقہ کاروائی کی خواندگی وتوثیق
(2)آئینی دقت کی وجہ سے صدر جمعیت علماء مبارک پور کے استفعاء پر غور---
(3) بصورت منظورئ استفعاء نئے صدر کے انتخاب پر غور---
(4) جمعیت علماء مبارک پور کی جانب سے ایک بڑے اجلاس عام کے انعقاد اور اس کے لوازمات پر غور---
(5) ماہانہ اصلاح معاشرہ پروگرام جاری کرنے پر غور---
(6) حلقہ مبارک پور کی اہم مساجد میں ہفتہ واری درس قرآن جاری کرنے پر غور---
(7) جمعیت علماء مبارک پور کے لئے ایک مستقل دفتر کے حصول پر غور---
(8) جمعیت علماء مبارک پور کی مجلسِ عاملہ کے ارکان کی نامزدگی اور اس کی توثیق پر غور---
(9) دیگر امور باجازت صدرِ محترم---
چناں چہ ایجنڈا نمبر ایک کے تحت سابقہ کاروائی کو حضرت مولانا مفتی احمد الراشد صاحب سکریڑی جمعیت علماء مبارک پور نے پڑھ کر سنایا جس پر موجود تمام اراکین مجلس منتظمہ نے اطمینان کا اظہار کیا۔
ایجنڈا (٢) کے تحت آئینی دقت کی وجہ سے صدر جمعیت علماء مبارک پور کا استفعاء پیش ہوا، جس میں آئینی دقت کی وضاحت کی گئی، اس کے بعد استعفاء کو منظور کرلیا گیا---
ایجنڈا (٣) کے تحت مولانا صدیق احمد صاحب قاسمی امام و خطیب مرکزی جامع مسجد مبارک پور کو کثرت رائے سے صدر بنایا گیا---
ایجنڈا (٤) کے تحت ایک بڑے اجلاس کا فیصلہ ٢٠/اکتوبر سے ١٥/نومبر تک کے درمیان کی کسی تاریخ میں ہوا، محلہ پورہ دلہن والوں کے مطالبہ پر اجلاس عام کی جگہ بھی محلہ پورہ دلہن ہی میں باتفاق راۓ طے ہوئی، ساتھ ہی یہ بھی طے ہوا کہ پروگرام بعد نماز مغرب ہوگا۔---
ایجنڈا (٥) کے تحت حلقہ کی بڑی مساجد اور جامع مساجد میں ماہانہ اصلاحی پروگرام کا فیصلہ ہوا--- ماہانہ پروگرام کے کنوینر حضرت مولانا مفتی محمد سالم صاحب کو بنایا گیا،
معاون کنوینر کی حیثیت سے درجہ ذیل نام عمل میں آۓ:
(١) مولانا عبدالعظیم صاحب،
(٢) مولانا عبداللہ صاحب،
(3)حافظ عبید الرحمن صاحب، ماہانہ پروگرام انھی حضرات کے طے کردہ نظام سے منعقد ہوں گے اور ان پروگراموں کی تحریری رپورٹیں سکریڑی کے یہاں پیش ہوں گی، اس تعلق سے پہلے پروگرام کے طور پر جلد ہی محلہ سریاں میں منعقد کرنے کا فیصلہ ہوا
ایجنڈا (٦) کے تحت ہفتہ واری پروگرام بعنوان درس قرآن ہونا طے پایا، نیز اسی ضمن میں قصبہ کی مساجد و ائمہ اور متولی حضرات کی تفصیلات کو اکٹھا کرنے کا بھی فیصلہ ہوا۔
ایجنڈا (٧) کے تحت جمعیت علماء مبارک پور کے لئے مستقل ایک دفتر کے قیام کا فیصلہ ہوا، اور طے ہوا کہ جلد ہی جگہ کی حصول یابی ہوجائے اور سارے امور دفتر ہی میں شروع ہوں۔
جگہ کی حصول یابی کے ذمہ دار :(١) مولانا عبداللہ صاحب
(٢) مولانا عبدالعظیم صاحب
(٣) مولانا محمد طیب صاحب
(٤) حافظ عبید الرحمن صاحب
(٥) حاجی جمال الدین صاحب (٦) ڈاکٹر عبدالحنان صاحب وغیرہ کو بنایا گیا اور ان سے درخواست کی گئی کہ اگلی میٹنگ تک کسی مناسب جگہ کو تلاش کرلیں۔
ایجنڈا (٨) کے تحت ارکان مجلسِ عاملہ کا انتخاب اور ناموں کی توثیق ہوئی---- 11/ عہد داران کے علاوہ آٹھ مزید ناموں پر غور ہوا اور ان کا اعلان کیا گیا، جو کہ درج ذیل ہیں.
(١) مولانا مفتی محمد یاسر صاحب
(٢) مولانا عبداللہ صاحب
(٣) ماسٹر ابو ہاشم صاحب
(٤) حافظ گلزار احمد صاحب
(٥) حاجی جمال الدین صاحب
(٦) مولانا عبدالوافی صاحب
(٧) مولانا محمد صالح صاحب
(٨) مولانا انعام الرحمن
ایجنڈا (٩) کے تحت دیگر امور میں مختلف کاموں کے لئے فنڈنگ پر غور ہوا اور طے پایا کہ اس کے لئے رسید اور ٹوکن کی اشاعت ہو۔
ساتھ ہی حضرت صدر محترم صاحب نے ملکی حالات کے تحت اپیل کی ہم انفرادی واجتماعی دعاؤں کا اہتمام کریں۔
مذکورہ مجلسِ منتظمہ کے اجلاس میں صدر محترم کے علاوہ مفتی احمد الراشد صاحب، مولانا عبدالوافی صاحب، مولانا صدیق احمد صاحب، مولانا عبدالعظیم صاحب، مولانا محمد طیب صاحب، مولانا مفتی محمد سالم صاحب، مولانا محمد شاہد صاحب، مولانا عبداللہ صاحب، مولانا محمد یوسف صاحب، مولانا محمد صالح صاحب، قاری شمیم انظر صاحب، قاری شکیل احمد صاحب، حافظ گلزار احمد صاحب، حافظ عبید الرحمن صاحب، قاری خالد متین صاحب، حاجی عرفان احمد صاحب، حاجی عالمگیر صاحب، حاجی شمس الحق صاحب، حاجی ایوب فیضی صاحب، و دیگر اراکینِ جمعیت علماء مبارک پور نے شرکت فرما کر جمعیت علماء مبارک پور کو تقویت پہونچائی، اور حضرت صدرِ محترم کی دعا پر اجلاس کا اختتام ہوا،
اللہ تعالیٰ سے دست بدعا ہوں کہ اللہ تعالیٰ جملہ امور کو بحسن خوبی ادا کرنے کی توفیق عطا فرمائے آمین
تحریر: ٢٧/ذی الحجہ ١٤٤٠ھ مطابق ٢٩/اگست ٢٠١٩ء بروز جمعرات بوقت ١٢/بجے شب
