نادان کہ رہا ہے کہ نیا سال مبارک ہو
طالب دعا۔۔ ابو عباد اعظمی
مدرسہ سیدنا عبداللہ بن مسعود رضی اللہ تعالیٰ ننداؤں اعظم گڈھ یوپی
Happy New Year
کے نام سے جگہ جگہ پروگرام منعقد کیے جاتے ہیں۔اوران میں بےتحاشہ رقم خرچ کی جاتی ہے۔حالانکہ اس رقم سے لوگوں کی فلاح و بہبود کے بڑے بڑے کام کیے جاسکتے ہیں۔انسانی حقوق کی ٹھیکیدار بننے والی دنیاوی تنظیمیں بھی اس موقع پر چشم پوشی سے کام لیتی ہیں۔مگر ظاہر ہے کہ وہ اس وقت ہمارے مخاطب نہیں۔
لیکن ہم مسلمانوں کو اس موقع پر کیا کرنا چاہیے؟ اللہ تعالیٰ نے قرآن مجید میں ہمار ی رہنمائی فرمائی ہے کہ رحمٰن کے بندے وہ ہیں جو ناحق کاموں میں شامل نہیں ہوتے اور جب کسی ناحق اور نا جائز کاموں کے پاس سے گزرتے ہیں تو وقار کے ساتھ گزر جاتے ہیں۔شامل نہیں ہوتے۔
چنانچہ پور ی امت مسلمہ کا اتفاق ہے کہ یہ عمل صرف اور صرف غیروں کا ہے۔لہذا ہمیں ان تقریبات سے احتراز کرنا چاہیے۔اور ہم خود Happ New year کہہ کر پہل نہ کریں بلکہ اس موقع پر حاصل شدہ پیغام پر دعاءیہ کلمات جواب میں پیش کردیں۔
نئے سال کے موقع پر اکثر وبیشتر علاقوں میں سردی کی لہر ہوتی ہے۔اس لیے دوستوں ہم سب کو چاہیے کہ سردی کے سامان تقسیم کرکے ضرورت مندوں کی مدد کردیں جیسا کہ محسن انسانیت صلی اللہ علیہ وسلم کے ارشادات احادیث میں موجود ہیں کہ:
(١) میں اور یتیم کی کفالت کرنے والا جنت میں اسطرح ہونگے جیسے کہ دوانگلیا ں آپس میں ملی ہوئی ہیں
(٢) بیوہ عورت کی امداد کرنے والا اللہ تعالیٰ کے راستے میں جہاد کرنےوالے کے برابر ہیں وغیرہ وغیرہ۔۔
تو دوستو!!آ ئیں ہم یہ عہد کریں کہ ہم اس طرح کے فضول لایعنی کاموں سے مکمل پرہیز کریں گے۔اللہ تعالیٰ ہمیں اس رات کو نیک کام کرنے کی اور برے کاموں سے پرہیز کرنے کی مکمل ہدایت دے ( آمین یارب العالمین)
