سمستی پور:31 جنوری 2020 آئی این اے نیوز
دینی مدارس کی تاریخ اتنی ہی قدیم ہے جتنی کہ اسلام کی، دینی مدارس عہد نبوی سے لیکر آج تک اپنے مخصوص انداز سے چلے آرہے ہیں اور تا قیامت چلتے رہینگے کیونکہ یہ وہی مدارس ہیں جہاں ہمہ وقت قال اللہ وقال الرسول کی صدا لگائی جاتی ہے اور یہ آواز جب تک ہے تبھی تک دنیا میں رونق ہے اور ہمارے ملک میں تاج محل کی سفیدی اور لال قلعےکی لالی باقی ہے
یہ باتیں جامعہ اشاعت العلوم سمستی پور کے بانی رکن اورقیام جامعہ کے ابتدائی محرک حضرت مولانا مناظر عالم قاسمی استاذ حدیث مدرسہ امدادیہ اشرفیہ راجوپٹی سیتامڑھی نے جامعہ کے تعلیمی جائزہ لینے کے درمیان کہی مولانا موصوف اپنے خاص رفیق محترم حضرت مولانا فخر عالم صاحب قاسمی استاذ مدرسہ امدادیہ اشرفیہ راجوپٹی سیتامڑھی کے ہمراہ جامعہ ہذا کے تمام شعبہ جات کا معائنہ کیا طلبہ واساتذ کو اپنے قیمتی نصیحتوں سے نوازتے ہوئے خطاب کیا کہ آپ حضرات من جانب اللہ چنندہ ہیں کیونکہ آپ کے آس پاس کے کثیر تعداد میں بچے لہو ولعب میں مشغول ہیں لیکن آپ کو اللہ تعالی نے علم دین حاصل کرنے کے لئے منتخب کیا، آپ اپنی قیمت کو پہچانئے آپ دین کیلئے کھمبے کے مانند ہیں اسلیئے مضبوط کھمبا بنئے کمزور نہیں
مدرسہ میں آپ کو دو کام کرنا ہے نمبر ۱ ایک محنت ولگن شوق وجذبہ سے پڑھنا نمبر ۲دو لڑنا اب آپ کو پڑھنا تو سمجھ میں آرہا ہوگا لیکن لڑنا اسکا مطلب جو آپ سمجھ رہے ہیں وہ باالکل نہیں ہے بلکہ لڑنے کا مطلب محنت و مشقت سے پڑھنا ہے اور نفسیاتی بہکاوے سے رک جانا ہے گویا نفس سے لڑنا،
اس موقع پر ناظم ونائب ناظم اساتذہ وملازمین کے خدمات کی ستائش کی اور ہمت افزائ بھی ساتھ ساتھ علاقہ کے باحمیت اہل دل حضرات سے خاص و ملت اسلامیہ سے عام درخواست کی جامعہ پہ خصوصی توجہ دینے کی
واضح ھوکہ جامعہ اشاعت العلوم سمستی پور زیر اہتمام الامدادایجوکیشنل اینڈ ویلفئر ٹرسٹ واقع کرھوا برہیتا وایہ کلیانپور ضلع سمستی پور علاقہ کے 20کیلو میٹرچہار جانب میں واحد منفرد ادارہ ھے جو دینی تعلیم و رفاہی خدمات اپنے وسعت کے اعتبار سےبخوبی انجام دیرہاھے
