دھن گھٹا/سنت کبیر نگر /نومبر 30.
ضلع سنت کبیر نگر کے بجلی محکمہ میں پھیلی بدعنوانی کم نہیں ہو رہی ہے۔
چاہے ایکس ۔ای۔ این۔ سنجے سنگھ کا بجلی بل میں گھپلہ کا کارنامہ رہا ہو یا پھر جے.ای.سنجے یادو کے ذریعے کی جانے والی رشوت کی مانگ۔
کوئی کسی سے کم نہیں ہے۔
ان بدعنوان لوگوں کے ذریعہ بجلی صارفین کو طرح طرح سے پریشان کیا جا رہا ہے۔
نہ تو انکی بل کو صحیح بھیجا جا رہا نہ ہی میٹر سے بلینگ کا کوئی ریٹ مقرر ہے۔
ان بدعنوان افسران نے بجلی صارفین کو پریشان کرنے کانیا طریقہ ڈھونڈ نکالا ھے۔
اسی طرح کا معاملہ دھن گھٹا تحصیل حلقہ کے بجلی سب اسٹیشن ہریہر پور پر تعنیعات جے۔ای۔ سنجے یادو کے ذریعے گذشتہ جمعہ کے روز تحصیل حلقہ کے مانپور گاؤں کے ایک مرغی فارم پر چھاپے ماری کی گئی۔
مرغی فارم چلانے والے کو انکے ذریعہ بتایا گیا کہ دو کلو واٹ کا کنیکشن نہ ہونے کی وجہ سے آپ پر بجلی چوری کا مقدمہ درج کرایا جائے گا۔
موصولہ خبروں کے مطابق مذکورہ جے۔ای۔ کے ذریعہ ویڈو میں مرغی فارم چلانے والے کو بیچ کا راستہ اختیار کرنے کا مشورہ دیا جاتا ہے۔
جسمیں مرغی فارم چلانے والے کو پچاس ہزار روپے کے انتظام کی بات کہی جاتی ہے۔
ورنہ لاکھوں کا جرمانہ لگاۓ جانے کی بات بھی جے۔ای۔کے ذریعہ کہی جاتی ہے۔
دیکھنا یہ ہے کی جے۔ای۔سنچے یادو کی کالی کرتوت پر بجلی محکمہ کیا کاروائی کرتا ہے۔
